జర్నలిస్టుల నవరత్నాలను అమలు చేయాలి

 


విశాఖపట్నం: 2022 నవంబర్ 9, టుడే న్యూస్: పాలకులు,ప్రతిపక్ష పార్టీల నేతలు కొన్ని పత్రికలు,మీడియా యాజమాన్యాలపై ఉన్న కక్షను ఎలాంటి జీత భత్యాలు లేకుండా పనిచేస్తున్న పాత్రికేయులపై పగ తీర్చుకునే విధానాన్ని విడనాడాలి. మీకేమైనా ఇబ్బంది కలిగి ఉంటే ఆయా పత్రికల యాజమాన్యాలపై చర్యలు తీసుకోండి. అలా కాకుండా మీపై వ్యతిరేక కథనాలు రాస్తున్న పత్రికలకు, మీడియా సంస్థలకు లక్షలు, కోట్ల రూపాయలు ప్రభుత్వ ప్రకటనల రూపంలో కుమ్మరిస్తూ పాత్రికేయుల సంక్షేమాన్ని మాత్రం విస్మరించడం ఎంతవరకు సమంజసం ఒక్కసారి ఆత్మ విమర్శ చేసుకోవాలి.

మమ్మల్ని సమాజంలో పౌరులు, ఓటర్లుగా చూడండి.మాకూ కుటుంబాలు ఉన్నాయి, బంధుమిత్రులు ఉన్నారు.

వాళ్ళు కూడా ఓటర్లేనని గుర్తెరగండి.

జర్నలిస్టులవి గొంతెమ్మ కోరికలు కాదు.మల్లు,మాన్యాలు అడగడం లేదు. ఆచరణ సాధ్యమైనవే కోరుతున్నాం. జర్నలిస్టుల పట్ల మనసులో ఉన్న చెడు ఆలోచనను విడనాడి పెద్ద మనసుతో ఆలోచించి మా సమస్యల పరిష్కారానికి కృషి చేస్తారని ఆశిస్తున్నాం.

1.పాత్రికేయుల పిల్లలకు కేజీ నుంచి పీజీ వరకు ఉచిత విద్య అందించాలి.

2.పాత్రికేయులు,వారి కుటుంబ సభ్యులకు జర్నలిస్ట్స్ హెల్త్ స్కీమ్ ద్వారా ఉచిత వైద్య సదుపాయం కల్పించాలి. ఆరోగ్య, ప్రమాద బీమా ప్రీమియం మొత్తాన్ని ప్రభుత్వమే పూర్తిగా చెల్లించాలి.

3.ప్రింట్ అండ్ ఎలక్ట్రానిక్ మీడియాలో పనిచేస్తున్న పాత్రికేయులు ఫోటో వీడియో జర్నలిస్టులకు కనీస వేతనాలు అమలు చేయించి, ఉద్యోగ భద్రత, పీఎఫ్,ఇఎస్ఐ సదుపాయాలు కల్పించాలి.

4.స్థానిక పత్రికలు,వార,పక్ష,మాస పత్రికలకు ప్రభుత్వ ప్రకటనలు 

జారీ చేయాలి.

5.జిఎస్టితో నిమిత్తం లేకుండా అక్రిడిటేషన్లు ఇవ్వాలి.

6.సీనియర్ జర్నలిస్టులకు పింఛను మంజూరు చేయాలి. జర్నలిస్ట్ సహజంగా మరణిస్తే ఐదు లక్షలు ప్రమాదవశాత్తు మరణిస్తే 10 లక్షల రూపాయలను ప్రభుత్వం అందించి 

ఆ కుటుంబాలను ఆదుకోవాలి,

7.అక్రిడిటేషన్ తో నిమిత్తం లేకుండా గ్రామీణ ప్రాంతంలో అయితే రెండేళ్లు, పట్టణ పరిధిలో మూడేళ్లు అనుభవం కలిగిన వర్కింగ్ జర్నలిస్టులందరికీ ఇల్లు లేదా ఇంటి స్థలం కేటాయించాలి.

8.అక్రిడిటేషన్ లేని పాత్రికేయులకు మీడియా యాజమాన్యాలు, 

ప్రెస్ క్లబ్ లు, కార్మిక శాఖ గుర్తింపు పొందిన జర్నలిస్ట్స్ యూనియన్లు 

జారీ చేసిన గుర్తింపు కార్డులను అనుమతించాలి.

9.జర్నలిస్టులపై దాడులను అరికట్టేందుకు  పటిష్టమైన చట్టాలను రూపొందించి అమలు చేయాలి. పాత్రికేయులపై దాడికి పాల్పడ్డ వారిని కఠినంగా శిక్షించాలి.

పైన పేర్కొన్నవి జర్నలిస్టులకు సంబంధించి 'నవరత్నాలు'. వీటిని 

ఏ రాజకీయ పార్టీ అయితే అమలు చేస్తామని కచ్చితమైన హామీ ఇచ్చి వారి మేనిఫెస్టోలో చేర్చిన వారికే రానున్న ఎన్నికల్లో పాత్రికేయులు వారి కుటుంబ సభ్యులు, బంధుమిత్రుల మద్దతు ఉంటుందని తెలియజేద్దాం.ఆ దిశగా మనకు అందుబాటులో ఉన్న పత్రికలు, మీడియాల ద్వారా కలం పోరాటాన్ని సాగిద్దాం.

పాత్రికేయ మిత్రులారా ఈ అక్షర ఉద్యమం నా ఒక్కడి కోసం కాదు..,

మనందరి కోసమని గమనించ మనవి.


ఇట్లు మీ శ్రేయోభిలాషి

నేమాల హేమసుందరరావు 

సీనియర్ జర్నలిస్ట్, విశాఖపట్నం



ఈ బ్లాగ్ నుండి ప్రసిద్ధ పోస్ట్‌లు

డాక్టర్ అధినారాయనను అభినందించిన రాష్ట్ర పర్యాటక శాఖ మంత్రి అవంతి శ్రీనివాస్

విశాఖపట్నం: టుడే న్యూస్,  జనవరి:-27 పేదల వైద్యుడిగా, పోలియో వ్యాధి బాధితుల పాలిట ఆత్మబంధువుగా పేరు గాంచిన ప్రముఖ వైద్యుడు సుంకర వెంకట ఆదినారాయణ రావుకు పద్మశ్రీ పురస్కారం లభించడం మన తెలుగు వారందరికీ గర్వకారణమని రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు అన్నారు ఇటివల కేంద్రం ప్రకటించిన పద్మ పురస్కారాలలో ఆయనకు పద్మశ్రీ పురస్కారం లభించిన సంగతి తెలిసిందే. ఈ సందర్భంగా మంత్రి ఆదినారాయణరావును ఆయన నివాసంలో కలిసి ఘనంగా సన్మానించారు. ఈ సందర్భంగా మంత్రి మాట్లాడుతూ.. 50 ఏళ్లుగా వైద్య రంగంలో ఎన్నో శిఖరాలు అధిరోహించారని మంత్రి కొనియాడారు. పోలియో ఆపరేషన్స్ లో వరల్డ్ రికార్డు సాధించడం ఎంతో గర్వించే విషయమని అన్నారు. వైద్యరంగంలో ఆయన చేసిన సేవలను గుర్తించిన కేంద్రం ఆయనకు పద్మశ్రీ పురస్కారం అందించడం సంతోషంగా ఉందని అన్నారు. ఆయనకు దక్కిన పద్మ పురస్కారం మొత్తం వైద్యరంగానికే వచ్చిన గుర్తింపు అని మంత్రి అన్నారు. ఓపక్క వైద్య వృత్తితోపాటు మరోపక్క వైద్య రంగంలో విద్యార్ధులను నిష్ణాతులుగా తీర్చిదిద్దడంలో ఆయన చేసిన కృషి ఎనలేనిదని అన్నారు. రాబోయే రోజుల్లో ఆయన మరింత మంది పేద ప్రజలకు వైద్యం అందించాలని మం...
మరింత చదవండి

సీనియర్ జర్నలిస్ట్ హేమ సుందర్ కు శ్రీశ్రీ కళావేదిక ఆత్మీయ సత్కారం

చిత్రం
విశాఖపట్నం,ఎన్ఎన్ఇ న్యూస్: నగరానికి చెందిన సీనియర్ జర్నలిస్ట్ నేమాల హేమ సుందరరావు శ్రీశ్రీ కళావేదిక ఆత్మీయ సత్కారాన్ని అందుకున్నారు. మహాకవి శ్రీశ్రీ 112 వ జయంతి సందర్భంగా శ్రీ శ్రీ కళా వేదిక ఆధ్వర్యాన ఆంధ్రా యూనివర్సిటీలోని డాక్టర్ బి.ఆర్ అంబేద్కర్ అసెంబ్లీ హాల్లో శనివారం జాతీయ శతాధిక కవి సమ్మేళనం నిర్వహించారు. జాతీయ స్థాయిలో నిర్వహించిన ఈ కవి సమ్మేళనానికి పెద్ద సంఖ్యలో కవులు రచయితలు హాజరయ్యారు.  ఈ నేపథ్యంలో శ్రీ శ్రీ కళా వేదికకు సీనియర్ జర్నలిస్ట్ హేమ సుందర్ అందిస్తున్న మీడియా సహకారానికి కృతజ్ఞతగా ఆ సంస్థ ఛైర్మన్ డాక్టర్ కత్తిమండ ప్రతాప్, జాతీయ అధ్యక్షులు డాక్టర్ ఆరవల్లి నరేంద్ర ఇతర ప్రతినిధులు పూలమాలవేసి దుశ్శాలువతో సత్కరించి జ్ఞాపికను అందించారు.
మరింత చదవండి

కూటమికి మద్దతుగా టాలీవుడ్ కదలి రావాలి: నట్టి కుమార్

చిత్రం
 :      హైదరాబాద్,2024, మే 8,టుడే న్యూస్:  ఉత్తరాంధ్రలో కూటమికి ప్రజల మద్దతు బాగుందని నట్టి కుమార్ వెల్లడించారు. శ్రీకాకుళంలోని 8 అసెంబ్లీ స్థానాలు కూటమివేనని ఆయన స్పష్టం చేశారు. ఇక విశాఖ జిల్లాలో కూటమి క్లీన్ స్వీప్ చేస్తుందని తెలిపారు. అలాగే విజయనగరం జిల్లాలో మాత్రం నువ్వా నేనా అనేలా పోటీ ఉంటుందన్నారు. వైసీపీ అధినేత, సీఎం వైయస్ జగన్ వల్లే విశాఖ స్టీల్ ప్లాంట్‌కు ఈ దుస్థితి వచ్చిందని ఆయన ఆరోపించారు. ఇక ఉత్తరాంధ్ర జిల్లాలోని వైసీపీ ప్రముఖులు సిదిరి అప్పలరాజు, దువ్వాడ శ్రీనివాస్, ధర్మాన ప్రసాదరావు, తమ్మినేని సీతారాంలకు ఓటమి తప్పదన్నారు. అయితే నందమూరి బాలకృష్ణ చిన్నల్లుడు భరత్ విశాఖపట్నం ఎంపీగా విజయం సాధిస్తారన్నారు. అయితే ఉత్తరాంధ్రలో జగన్ పార్టీ నాయకులు భూములు భారీగా కబ్జా చేశారని ఆరోపించారు. ఇక పిఠాపురం ఎమ్మెల్యేగా పవన్ కల్యాణ్ లక్షా పదివేల ఓట్ల మేజార్టీతో గెలవబోతున్నారని చెప్పారు. కూటమికి సినిమా ఇండస్ట్రీ మద్దతు ఇవ్వాల్సిన అవసరం ఉందని ఈ సందర్బంగా ఆయన అభిప్రాయపడ్డారు.సినిమా వాళ్లు ముందుకు రావాలని ఈ సందర్బంగా నట్టి కుమార్.. టాలీవుడ్ ఇండస్ట్రీకి పిలుపునిచ్చారు. చ...
మరింత చదవండి