సినీ నటుడు కైకాల సత్యనారాయణ మృతికి తెలంగాణ తెలుగుదేశం పార్టీ అధ్యక్షులు కాసాని జ్ఞానేశ్వర్ సంతాపం ప్రకటించారు.
హైదరాబాద్ : దిగ్గజ సినీ నటుడు కైకాల సత్యనారాయణ మృతికి తెలంగాణ తెలుగుదేశం పార్టీ అధ్యక్షులు కాసాని జ్ఞానేశ్వర్ .. పార్టీ పొలిట్ బ్యూరో సభ్యులు రావుల చంద్రశేఖర్ రెడ్డి , ఆంధ్రప్రదేశ్ టిడిపి పార్టీ వ్యవహారాల ఇంచార్జ్ టిడి జనార్దన్ రావు సంతాపం ప్రకటించారు. ఈ మేరకు దివంగత నటుడు పార్థివ దేహాంపై పూలమాలలు ఉంచి శ్రద్ధాంజలి ఘటించారు. సత్యనారాయణ కుటుంబ సభ్యులను ఓదార్చి ప్రగాఢ సానుభూతిని తెలియజేశారు. ఈ సందర్భంగా కాసాని జ్ఞానేశ్వర్ వెంట తెలంగాణ టిడిపి మహిళా విభాగం అధ్యక్షురాలు జ్యోస్న, నేతలు కాసాని వీరేశ్, రఘు, షరీఫ్ తదితర టీడీపీ నేతలు దివంగత నటుడు సత్యనారాయణ మృతికి శ్రద్ధాంజలి ఘటించారు.
